ሰሙናት ዝወሰደ ናይ ላዕለዎት ሓለፍቲ ህግደፍ ዘይምጥዕዓም ካብ ዕለት 19 ጥሪ ጀሚሩ እቲ ቅልውላው ናብ ዝለዓለ ጥርዙ በጺሑ ምህላዉ ንከታተሎ ዘለና ሓቂ እዩ። ብመሰረቱ እዚ ትማሊ ዝጀመረ ቅልውላው ዘይኮነስ ዕምሪ ስርዓት ህግደፍ ከም ጥሙር ሓይሊ ኣዝዩ እናኣንቆልቆለ ናይ ምኻዱ ጎሊሑ ዝተራእየሉ ኩነታት እዩ።

ድሕሪ ዕዉት ሓድነታዊ ጉባኤ ማእከላይ መሪሕነት ኤርትራዊ ስምረት ንደሞክራሲያዊ ለውጢ ቀዳማይ ስሩዕ ኣኼባኡ ኣሰላሲሉ። ኣብቲ ካብ 10-12 ጥሪ 2013 ዝተሰላሰለ ዕዉት ኣኼባ ማእከላይ መሪሕነት 13 ዝኣባላታ ፈጻሚ ኣካል፡ ካብኣቶም ከኣ ሓሙሽተ ኣባላት ዝሓቆፈ መዓልታዊ ንጥፈታት ውድብ ዝከታተልን ኣገዳሲ ህጹጽ ኩነታት ዝውስንን ቀዋሚ ሽማግለ መዚዙ ኣሎ።